Во потрага по совршенството, не постои подобро чувство кога пропатно ќе се спојат врвни енергии и ќе се роди нова долгорочна соработка. Таква е и нашата соработката со Аудиокултура каде во период од неколку месеци се снимија 7 музички сесии и увертирата на целата приказна ќе биде издавањето на плоча која ќе ги содржи сите заеднички музички патувања.
Винил изданието од „Крај Вардарот сесии” во Аудиокултура e заеднички проект на Божиновски часовници и накит и Аудиокултура, конципиран да биде квалитетно освежување за колекциите на плочи на вистинските љубители на музиката и експерименталниот звук.
Со овој проект Ви откривме една нова димензија на „Божиновски часовници и накит“. Осмислен е да се реализира ексклузивно за нашите ВИП клиенти и започна како едно сосема ново патување за нас. Патување кое има за цел да ги поддржи младите џез и експериментални уметници и преку нив на нашите лојални клиенти да им понудиме едно поинакво доживување за сите нивни сетила.
„Да се биде член на лојалната програма на ‘Божиновски часовници и накит’ не значи само ценовни бенефиции во форма на попуст, туку значи пријателство, авантура и заедничко откривање на нови светови и димензии, а филозофијата за времето и просторот, односно стрелките на нашите часовници ни го дозволуваат тоа.Токму плочата која произлезе од оваа соработка е дел од ова наше заедничко патување.”
На вчерашната работилница која што се одржа во склоп на Манаки Оф програмата, тимот на Божиновски часовници и накит и Аудиокултиура го претставија овој проект пред дизајнерите на Monday learning академијата, кои што во оваа работна сесија ќе се обидат да одговорат на предизвикот и да дадат свои креативни решенија за пакувањето на плочата.
Плочата ќе биде издадена кон крајот на годината.
