Деновиве сцена од УС Опен го обиколи светот, а еден полски милионер стана мета на потсмев од сите.
Бизнисменот Пјотр Шчерек беше фатен на камера како без срам му ја грабнува капата на мал фан, која требаше да биде подарок од познатиот тенисер Камил Мајхшак. Постапката предизвика негативни реакции, а Шчерек стана „најомразениот човек на интернет“.
На видеото кое стана вирално за неколку часа, се гледа како Шчерек, возбуден по победата на Мајхшак, му ја зема капата од раце на изненаденото момче, кое стоеше во првиот ред. Интернет корисниците веднаш го осудија гестот, нарекувајќи го „одвратен и егоистичен“.
Big shoutout to Polish tennis player Kamil Majchrzak!
— I Meme Therefore I Am (@ImMeme0) August 31, 2025
How it started: How it ended: pic.twitter.com/gsFHPtw427
Daily Mail откри дека Пјотр е сопственик на компанијата Drogbruk и живее со сопругата Ана и нивните два сина во историско полско село кое локалното население го нарекува „селото на милионерите“. Неговиот луксузен имот вреди приближно 406.000 фунти и располага со приватно езеро и тениско игралиште во дворот.
Интересно е што само 40 километри од нивниот дом се наоѓа тениски клуб во сопственост на Шчерек и неговата сопруга, „Calisia Tenis Pro“.
По неколку дена притисок од јавноста, Пјотр се извини и рече дека направил „огромна грешка“.
„Би сакал да се извинам на момчето, неговото семејство, сите фанови и самиот тенисер. Направив огромна грешка“.
„Емотивно, во навивачката еуфорија, бев убеден дека тенисерот ја подава капата кон мене – за моите синови кои претходно бараа автограм. Но, денес знам дека изгледаше како да одземам нешто од дете“ – рекол тој.
По инцидентот, тенисерот Мајхшак го пронашол момчето и му дал друга капа.
Kamil Majchrzak meeting the young boy who had the hat taken from him the other day at the US Open.
— The Tennis Letter (@TheTennisLetter) August 30, 2025
A happy ending… this is what it’s all about.
Protect this man at all costs. pic.twitter.com/EAaJVltyM6
