Комерцијален текст
Доаѓањето на првите зимски денови и намалените температури значи и промена во начинот на облекување, односно нови комбинации за удобен, но во исто време шик изглед. Springfield за овој период од годината нуди парчиња кои имаат современа интерпретација на класичните модели, а се практични и трендовски.
Да се изгледа кул на минусни температури бара умешност во изборот на гардероба, но и вештина за добро комбинирање на зимските парчиња. Во Springfield, за зима 2016 можете да најдете идеални модели за релаксиран и автентичен изглед. Клучното парче за есен и зима – џемперот, оваа сезона доаѓа со различни мотиви и дезени. Ваквиот џемпер е одличен за комбинација со ултра трендовските плисирани здолништа и бели, едноставни патики за сосема лежерен изглед.
Бомбер јакните остануваат актуелни, а како зимска варијанта Springfield ја нуди црната јакна со ефект на кожа.
За девојките кои не сакаат да останат незабележани на градските улици, особено интересен е трендот на металик парчиња и светкави детали. Подгответе се да заблескате со највпечатливата облека за оваа зима. Без разлика дали ќе одберете блуза со светкави додатоци или пак светкав фустан во комбинација со бомбер јакна и чизми до глужд за целосен гламурозен изглед, сигурни сме дека вашиот стилски избор ќе остане запаметен.
