„Засекогаш млади“: Близначките Маријана и Росана со нова песна со Дац и Александар
Дац и Александар, заедно со сестрите Маријана и Росана, ја претставија новата песна „Засекогаш млади“, придружена со видеоспот.
Новата музичка соработка носи ведра енергија и силна доза носталгија, потсетувајќи на времињата кога малите нешта биле доволни за голема среќа. Во рефренот се испраќа порака која многумина лесно ќе ја почувствуваат како своја: „Кај се тие времиња стари, бевме среќни и со малку пари“.
Низ стиховите се испреплетуваат љубовта, пријателството и животната мудрост дека секој ден треба да се живее со полни гради. Главната порака на песната е содржана во стихот: „Живеј го животот, зашто нема реприза“, кој се провлекува низ целата композиција.
Музиката и аранжманот се дело на Александар Митевски, кој текстот го потпишува заедно со Огнен Неделковски додека финалниот мастер е на Дарко Димитров.