„Зага Продукција“: Свадбеното видео на Драгица и Радован најдобро во Европа

Во низата успеси на Зага Продукција има ново големо постигнување – прво место во категоријата „Best Wedding Highlights“ на Европскиот натпревар за најдобро свадбено видео.

Видеото „Heaven’s Touch“, кое е фокусирано на најспецијалните моменти од свадбениот ден на Драгица и Радован, беше наградено од Европската асоцијација на видеографи на настани (EEVA).

Свадбениот спот на швајцарскиот пар со српско потекло беше снимено во Германија и Швајцарија. Младенците се заколнале на вечна љубов на идиличниот остров Мајнау на Боденско Езеро.

Пет години по ред тимот на Зага достојно ја претставува Македонија на нaтпреварот на EEVA. Досега во нивни раце имаат завршено наградите: прво место во категоријата „Best Love Story“ во 2011; второ место во категоријата „Best Walk“ во 2013 година, трето место во категоријата „Best Pilot“ во 2014 година. Во продолжение, можете да ги погледнете сите победнички видеа.

Зага Продукција е креативна компанија, основана од браќата Бојан и Далибор Митковски, која цели да го збогати најубавиот ден од животот на своите клиенти со прекрасни визуелни спомени. Во своето долгогодишно постоење, Зага Продукција ги овековечила драгоцените свадбени моменти на многу младенци од Македонија и пошироко.