Времето како да застанало за неа: 79-годишната Џејн Фонда елегантна во креација од Версаче

Можете ли да поверувате дека Џејн Фонда е на прагот да зачекори во деветтата деценија од животот?

79-годишната актерка одушеви со својот изглед за време на доделувањето на „Costume Designers Guild Awards“ во Беверли Хилс. На манифестацијата, на која беа наградени најдобрите костимографи во областа на филмот и телевизијата, Фонда мамеше погледи во елегантен фустан од Версаче, кој го надополни со дијамантски обетки.

На настанот присуствуваа голем број холивудски ѕвезди, меѓу кои Мерил Стрип и Лили Колинс. За свечената прилика, Мерил избра фустан од Валентино, додека Колинс шармираше во креација од Александар МекКвин.