Водителката Верица Донев го очекува второто дете, со слатко семејно видео ја објави убавата вест
Семејството на Верица Донев наскоро ќе се прошири за уште еден мал член.
Македонската водителка со сопругот Гордан ќе го добие второто дете, а убавата вест ја сподели со слатко семејно видео на својот Instagram профил.
Во него, Верица, Гордан и нивниот син Карло позираат заедно, а натписите на нивните капчиња („мама“, „тато“ и „поголем брат“) ја откриваат убавата тајна.
На крајот на објавата, семејството покажува и фотографија од ултразвукот, со што станува јасно дека во нивниот дом наскоро ќе има уште еден член.
„Вонредни вести: Карло ќе стане батко“ – напиша Верица.
Водителката дополнително објасни дека направила пауза од социјалните мрежи за време на првите недели од бременоста, кога ѝ биле потребни одмор и мир.
