Што ќе се случи кога млада девојка ќе застане пред момче, а од него ќе биде побарано да ја удри силно? Вирално видео покажува како реагираат деца на насилството врз жените.
На почетокот на видеото, неколку момчиња од Италија се претставуваат и откриваат што сакаат да бидат кога ќе пораснат. Сите се на возраст од 7 до 11 години. Потоа, лицето од зад камерата ги запознава момчињата со млада девојка, ги прашува што им се допаѓа кај неа и бара од нив да ја погалат.
Во еден момент видеото станува мрачно. Имено, од момчињата е побарано да ѝ влепат шлаканица на девојката, силно. На тоа барање, сите момчиња одговараат: „Не“.
„Девојките не треба да бидат удирани, дури ни со цвеќе“, „Исус не сака ние да удираме други луѓе“, „Не сакам да ја повредам“, „Затоа што сум маж“ – тоа се неколку од одговорите кои ги дале момчињата кога биле запрашани зошто не сакаат да го удрат девојчето.