Весела трудница: Марија од Ај Кју како невеста во бело на моминската забава пред свадбата
Само неколку дена по склучувањето на граѓанскиот брак со Бојан Трајковски, Марија Ивановска со насмевка и во одлично расположение се подготвува за нивната свадбена прослава.
Пејачката од Ај Кју на социјалните мрежи откри дека нејзините најблиски ѝ приредиле весела моминска забава, исполнета со смеа, музика и убави моменти пред големиот ден.
Среќната невеста зрачеше со труднички блесок облечена во бело со нежен превез на главата на кој пишува „Идна невеста“.
Пред само една недела, Марија и Бојан ја споделија со јавноста убавата вест дека ќе станат родители. Членовите од македонското музичко дуо, кое нè претставуваше на Евровизија во 2018 година, се венчаа пред четири дена и направија мала прослава.
