Владимир Златковски и неговата 17-годишна ќерка Матеа реализираа заеднички планинарски предизвик.
Авантуристичкото дуо од Тетово се искачи на Брајтхорн, врв на Алпите кој се наоѓа на 4.164 метри надморска височина.
Искачувањето го реализирале на 23 август, по повеќемесечни подготовки. Владимир е искусен планинар и член на планинарскиот клуб „Љуботен“, но овој пат на високите планини покрај себе ја имаше најубавата придружба – ќерката Мареа.
Врвот Брајтхорн се наоѓа на границата меѓу Швајцарија и Италија и е висок 4.164 метри.
За Матеа, која има само 17 години искачувањето на врв повисок од 4.000 метри претставува особено значаен планинарски успех.
На врвот тие го развеале и знамето по повод 100-годишниот јубилеј на планинарскиот клуб „Љуботен“ од Тетово.