„Сум изневерувал, но воопшто не се гордеам со тоа“: Саша Ковачевиќ искрен за верноста во врските
Саша Ковачевиќ се отвори за грешките и лошите постапки од младоста и призна дека изневерувал во минатото.
Три месеци по веридбата со Зорана Тасовац, 40-годишниот српски пејач без задршка призна дека ги изневерувал девојките во минатото, но дека не се гордее со тоа.
Во интервју за Alo.rs, Саша бил запрашан како реагира на неверство, на што тој одговорил:
Веројатно како и секоја нормална личност. Да го изневериш најблискиот, партнерот, тоа не може да биде убаво чувство.
Да, сум изневерувал. Воопшто не сум горд на себе поради тие работи, но што да кажам… Веројатно тоа доаѓа со годините... Ние мажите сме чудна сорта – признал искрено пејачот.
Ковачевиќ рече дека веројатно и тој бил изневеруван некогаш иако немал сознанија за тоа. Но, неговата реакција на таква ситуација би зависела од степенот на љубов, страст и емоции во врската.
Никој од нас не сака да биде изневеруван. Но, како ќе се одвива ситуацијата зависи од разни фактори – дали тогаш си во брак, дали имате деца, дали ја сакаш таа личност, дали таа личност те сака тебе... – рече тој.
Иако во младоста честопати ги менувал девојките, денес неговиот живот изгледа поинаку. Тој речини една деценија е во врска со Зорана, која ја опишува како своја најголема поддршка, а нејзината ќерка ја прифаќа како своја.
