Со цел да провери дали сè уште постојат стереотипите помеѓу мажите и жените возачи, компанијата за автомобилски делови Halfords направила истражување во кое учествувале 2000 возачи.
Со истражувањето било откриено кои се работите што мажите и жените ги сакаат и ги мразат кај возењето на спротивниот пол.
На мажите им се допаѓа тоа што жените се љубезни кон останатите возачи
Скоро половина од жените признале дека кај мажите возачи најмногу им се допаѓа тоа што знаат што треба да прават кога ќе се дупне гума или кога ќе се расипе автомобилот на сред пат, 41% признале дека им се допаѓа тоа што мажите знаат да паркираат во тесен простор, а 39% изјавиле дека најдоброто нешто кај машките возачи е што можат добро да маневрираат и да возат рикверц.
Од друга страна, 46% од мажите изјавиле дека кај жените возачи најмногу им се допаѓа тоа што секогаш носат храна и пијалоци на долг пат и организираат паузи за јадење или кафе. Второ на листата на работи кои мажите ги сакаат кај жените возачи е тоа што секогаш прашуваат за правец кога се изгубени.
Истражувањето ги извадило на површина и работите кои мажите и жените ги мразат кај спротивниот пол кога станува збор за возењето. Еве ги и нив:
Од компанијата која го спровела истражувањето изјавиле дека се изненадени од фактот што сè уште постојат толку многу стереотипи, затоа што во нивните продавници сè почесто жените пазарувале делови за автомобили. Исто така, сметаат дека е добро што покрај навиките кои ги нервираат, и мажите и жените за многу други работи им се воодушевуваат на возачите од спротивниот пол.