Што ли мислеа родителите? Мали девојчиња по долна облека, со шминка и костими како на Victoria's Secret на ревија во Кина

Ревија со мали девојчиња предизвика револт низ целиот свет. Во трговски центар во Кина беше организирано шоу за долна облека во стилот на Victoria's Secret со нашминкани девојчиња од кои повеќето немаат ни 10 години.

Фотографиите наидоа на многу критики на социјалните мрежи и поттикнаа коментари од типот „Што ли мислеа родители?“. Не се малку и тие кои изразија загриженост дека ваквите фотографии може да стигнат до педофили.

„Ако имав ќерка, никогаш не би и дозволила да го направи ова“, „Родителите ги изгубиле умовите“, „Родителите треба да ги заштитуваат децата“, „Децата треба да изгледаат како деца“, „Ве молам вратете им го детството на децата“... тоа се само дел од коментарите.