Спогодбено се разведе со бившиот, сега е во врска со 19 години помлад дечко: Маја Шупут пресреќна со „Господин совршен“
Маја Шупут ужива во новото љубовно поглавје со 19 години помладиот Шиме Елез, а сега за првпат отворено проговори за разводот од Ненад Татаринов, со кого има 5-годишно синче.
46-годишната пејачка откри дека целата постапка за развод ја држела во тајност од сите, па дури и од најблиските.
Маја и Ненад одлучиле да стават крај по 6 години брачен живот, но без драма, кавги или скандали. Напротив, разводот бил мирен, спогодбен и со взаемна почит. Иако таа документите ги поднела уште во јануари, јавноста дозна за тоа дури во јуни.
Она што изненади многумина е фактот дека и по формалниот развод, Мaја продолжила да живее со поранешниот сопруг, а тие дури и патувале во Дубаи со нивниот син Блум, задржувајќи хармонија и покрај промената на брачниот статус.
Пејачката објасни дека сакала нивното дете постепено да ја прифати новата реалност, без шокови и нагли промени.
„Разводот е голема одлука, не е обичен прекин на врската... Сакав тоа да го проживееме приватно“ – изјави таа, додавајќи дека дури ни нејзината мајка не знаела за одлуката сè до неколку дена пред објавата.
Сепак, љубовниот живот на Мaја не застана тука. По разводот, таа започна врска со 19 години помладиот Шиме, познат на јавноста како „Господин совршен“. Нивната романса привлече големо внимание, но пејачката тврди дека разликата во години воопшто не ја чувствува.
Напротив, токму неговата енергија и опуштеност се она што ѝ било потребно во овој период од животот.
„Таа леснотија, смеењето и позитивната енергија, тоа е нешто што на жена во мои години навистина ѝ треба“ – призна Мaја.
Иако нивната врска на почетокот беше под лупа на јавноста, сега Шупут делува посреќно и поопуштено од кога било.
