Ревиите на Шанел никогаш не разочаруваат, затоа што гостите се транспортирани во модни приказни преку извонредни сценографии.
За прикажувањето на колекцијата висока мода пролет/лето 2019, беше создадена тропска атмосфера. „Вилата Шанел“ била инспирирана од куќата La Vigie во Монте Карло во која Карл летувал во 80-тите години.
Уживањето во егзотичната сцена на брендот во Париз денеска беше засенето од шепотењата за отсуството на Карл Лагерфелд, креативниот директор на Шанел. Гласините дека 85-годишниот дизајнер е во лоша здравствена состојба стануваат сè погласни, бидејќи традиционално тој не пропушта се поклони на крајот на секое шоу.
Каја Гербер беше меѓу многуте модели кои дефилираа во над 60 креации. „Невестата“ на Шанел овојпат носеше блескав костим за капење и моден додаток за глава со долг вел.
