Скопје за првпат дел од светското семејство „No Finish Line“ – 100 часа трчање, одење и хуманост за децата од Козле

Од 9 до 13 септември, Скопје за првпат е домаќин на „No Finish Line Skopje“ – 100-часовен хуманитарен фестивал на трчање, одење, спорт, музика и дружење, кој ќе се одржува во населба Аеродром, на булевар АСНОМ, пред СЦ „Јане Сандански“.

„No Finish Line“ е меѓународен хуманитарен концепт кој започнува во Монако во 1999 година, со едноставна, но моќна идеја – луѓето да се движат, а секој поминат километар да придонесе за подобар живот на децата.

По повеќе од две децении, оваа приказна за првпат пристигнува и во Скопје.

Овогодишниот No Finish Line Skopje има една главна цел – поддршка за Детската болница „Козле“.

Целиот собран фонд од настанот е наменет за работата на болницата и подобрување на условите за лекување и грижа за најмладите пациенти.

Концептот е едноставен: секој може да учествува – без разлика на возраста, кондицијата или искуството. Може да се трча или да се оди, а со еден стартен број учесниците можат да се вклучуваат во настанот кога сакаат и колку пати сакаат во текот на 100-те часа. Патеката е долга 800 метри, а секој поминат километар претставува километар хуманост и поддршка за децата.

Покрај главната хуманитарна цел, програмата носи и низа активности за сите генерации – инклузивна трка, трки на 5 и 10 километри, полумаратон, маратон, семејна трка, 24-часовен штафетен настан, Canicross, како и зумба, музички настапи и концерти.

Од 9 септември во 9:00 часот до 13 септември во 13:00 часот, Скопје ќе се движи за една заедничка цел.

Не е важно колку брзо трчате. Не е важно колку километри ќе поминете.

Важно е да бидете дел од приказната.

Придружете ни се, истрчајте или изодете го вашиот километар и помогнете заедно да направиме нешто добро за децата.

Бидејќи овде нема последен.

Нема пораз.

И нема финиш кога станува збор за помош на децата.

📍 Бул. АСНОМ, пред СЦ „Јане Сандански“, Аеродром
📅 9–13 септември 2026
🏃 100 часа трчање и одење
❤️ Сите заедно за децата