„Синко мој, дали некогаш ќе си се гушнеме?“: Пејачот Маријан Стојаноски со тага во срцето сподели фотографија од синчето кое почина на 5 години

За родител кој изгубил дете, секој ден носи копнеж по една прегратка, една насмевка и уште еден миг поминат заедно.

Македонскиот пејач Маријан Стојаноски со тага во срцето сподели фотографија од своето синче, кое почина на само 5-годишна возраст. Неговите зборови се одраз на празнината која ја чувствува по ненадејната смрт на малиот Петар.

„Синко мој, чедо мое, дали некогаш ќе си се гушниме?“ – стои во емотивната порака на Стојаноски.

Маријан ја сподели и песната „Tears In Heaven“ од Ерик Клептон, што во превод значи „Солзи во рајот“. Клептон ја напишал популарната песна по трагичната смрт на својот 4-годишен син Конор во 1991 година.

На 27 септември, Маријан ја соопшти тажната вест за смртта на малиот Петар.

Маријан и неговата сопруга Наташа имаат и две ќерки.