Пинк беше избрана да ја краси насловната страница на изданието на People посветено на убавината. 38-годишната пејачка позираше со своите две мали деца Вилоу и Џејмисон.
Во интервјуто, музичката ѕвезда зборуваше за мајчинството и начинот на воспитување на
Иако има само шест години, Пинк се бори да ја научи својата ќеркичка за родовата рамноправност и да ја поттикне да се бори за своите права.
„Секогаш ја кажувам вистината. Ѝ ја кажувам на ќерка ми вистината. Ѝ дозволувам да биде шестгодишник, но сакам да знае за праведност и љубезност, да знае дека треба да се бори за своите права, да знае дека понекогаш девојчињата не се платени исто толку колку момчињата за истата работа, дека девојчињата не се третирани исто и дека треба да работат многу понапорно за сè“ – изјавила успешната пејачка.
„Мојот сопруг е многу нежен со нашата ќерка, но сака таа да е силна, а јас сакам на нашиот син да му е дозволено да биде чувствителен. Ќе се обидеме да не создадеме две чудовишта“ – шеговито рече таа.
„Кога станува збор за родителството, никогаш не можеш да знаеш дали тоа што го правиш е успешно. Тоа е најнеспокојното нешто за мене“ – дополни Пинк.
