Саша Ковачевиќ за саканата: „Се женам со Зорана поради нејзина сигурност, не би сакал ќерка ѝ да ме вика тато, јас не ѝ сум татко“
Саша Ковачевиќ отворено зборуваше за својот љубовен живот, за запросувањето на саканата Зорана и за односот со нејзината ќеркичка Искра од претходниот брак.
Во интервју за „SCANDAL“, 40-годишниот српски пејач сподели како и зошто ја запросил Зорана по осум години врска.
Запрашан зошто му требало толку време за да ја запроси девојката, Саша рече:
Не постои конкретна причина. Јас од почетокот на врската сум многу искрен спрема мојата поубава половина. Таа ги знае моите ставови поврзани со венчавката, како што и јас ги знам нејзините.
Апсолутно немам потреба да ја докажувам некому мојата љубов кон Зорана преку хартија. Не мислам на Зорана, туку на новинарите, медиумите, пријателите, роднините... Не ѝ пречи што касно ја запросив, ние функционираме како да сме во брак... Од првиот ден таа како да е верена, живееме заедно од третиот месец од нашата врска.
На секоја жена ѝ е сон да се омажи и од таа причина јас кажувам дека сакам мојата жена да биде најсреќна на светот. Тоа е и причината зошто влегувам во брачните води. Јас можам да живеам со неа 300 години без никаков документ. Единствена причина зошто би сакал да постои документ е поради нејзината сигурност, како материјална, така и каква било друга.
Не дај Боже нешто да ми се случи, Зорана и Искра се моето семејство... Сакам таа да го носи моето презиме.
Тој се решил да ја запроси Зорана во Атина затоа што знаел дека тоа е нешто што го посакува секоја жена.
„Знам дека таа е жената за мене, знам дека таа би сакала прстен, како и секоја жена, тоа е круна на љубовта“ – рече тој.
Ковачевиќ сподели дека и покрај шпекулациите, Зорана не е бремена, но дека многу ќе се радува кога ќе дојде тој ден и со сигурност ќе ја сподели убавата вест.
За односот со ќерката на Зорана, Саша рече:
Имаме феноменален однос. Искрено не би сакал ниту да ме вика „тато“, затоа што јас не ѝ сум татко и мислам дека тука би се пореметиле некои семејни кодекси. Не затоа што не би сакал, јас најмногу на светот би сакал таа да е мое биолошко дете. Меѓутоа таа има свој биолошки татко и тоа е некоја нивна посебна поврзаност, енергија и љубов еден кон друг. Јас воопшто не сакам тоа да го пореметам и да правам дисбаланс во тој однос.
Јас само сакам таа да знае дека од моја страна има поддршка во секоја смисла, за што било во животот. Таа мене ме вика „папа“.
Саша и Зорана се во врска од 2017 година, а предлогот за брак се случи на крајот од октомври оваа година.