Шармантната Италија е неисцрпен извор на инспирација за Доменико Долче и Стефано Габана. Животот во нивната татковина го диктираше креирањето на нивната колекција пролет/лето 2016, како и новата модна кампања.
„Рекламната кампања на Долче и Габана лето 2016 раскажува едноставна приказна: штандови за овошје, мали продавници, шпагети, кафе, семејство, сонце, лето. Со еден збор – Италија“ – пишува дизајнерското дуо.
„Италија е љубов“, „Ја сакам Италија“, „Италија засекогаш“, „Рим“, „Портофино“, „Пиза“ – тоа се само дел од натписите на позитивните креации низ кои царува оптимизам и ведрина. „Повеќе не веруваме во мода за трендови. Сакаме да покажеме емоција. Само уживајте!“ – коментираше Габана по објавувањето на колекцијата.
