Романтичен сатен и блескави детали: Александра Заева елегантна свадбена гостинка покрај дечкото

Префинет гламур, романтичен сатен кој нежно ја следи силуетата и раскошни блескави детали... Александра Заева шармира со две впечатливи свечени изданија, покажувајќи дека има истенчен вкус за мода.

Ќерката на поранешниот премиер Зоран Заев сподели серија фотографии на Instagram, на кои покрај со модните комбинации, го привлече вниманието и со романтичен кадар со момчето Филип Арсов.

На неколку од фотографиите, Александра изгледа нежно и софистицирано во долг сатенски фустан во шампањ-нијанса. Креацијата со тенки прерамки, отворен грб и крој кој грациозно ја следи линијата на телото ја истакнува нејзината женственост.

За другото свечено издание, Александра се одлучи за впечатлива црна креација украсена со сребрени апликации и светкави детали. Токму во црната креација Александра го прегрнува саканиот Филип.

Меѓу фотографиите има и кадар на кој Александра позира со невеста во раскошна бела венчаница и неколку дотерани девојки.