Илустрациите со „Гибсон девојки“ на Чарлс Дана Гибсон влегоа во темелите на инспирацијата на Зухаир Мурад за најновата колекција висока мода.
„Кога ќе ги видиш фустаните од оваа колекција, имаш чувство дека можеби се тешки или дека има многу бродерија и орнаменти, но во реалноста се многу лесни. Жените сега сакаат да летаат, да се чувствуваат комфорно, сензуално и среќно“ - изјавил Мурад.
Со ревијата во Париз, либанскиот дизајнер уште еднаш покажа зошто неговото име е константа на холивудските свечености. Гламурозните креации неминовно ќе ги видиме на црвениот тепих.
