Првата свадбена фотографија на Сиара која се венча во фустан од високата мода на Роберто Кавали

Сиара и Расел Вилсон запливаа во брачните води. 30-годишната пејачка и 27-годишниот спортист се заколнаа на вечна љубов на свадбена церемонија која се одржа во Пекфортонскиот замок во Чешир, Англија.

Славната музичарка за најважниот ден од својот живот избра венчаница од високата мода на модната куќа Roberto Cavalli, дизајнирана од својот пријател Питер Дандас. Младоженецот го изговори судбоносното „Да“ во костум од Giorgio Armani.

На свадбената церемонија присуствувале бројни славни гости, меѓу кои Кели Роланд, Џенифер Хадсон и Лала Антони.

Сиара и Расел се во врска од април минатата година, а се верија во март оваа година. Тие привлекоа големо внимание откако споделија дека нема да имаат сексуални односи пред бракот поради религиозни причини.

Сиара има мал син со раперот Фјучр, со кого се вери во 2013 година.

Ѕирнете во замокот во кој се одржа свадбената прослава.