Првата проба на македонската претставничка Ана Стојаноска на детската Евровизија во Малта
Ана Стојаноска ја одржа првата проба на сцената на детската Евровизија.
Младата пејачка, придружувана од трите танчарки Калина, Каја и Елена, блесна на големата сцена во Малта на која ќе настапи со песната „Идната јас“.
Фотографиите и видеата од првата проба открија дека за главниот настап во сабота девојките ќе бидат облечени во младешки креации во бела боја надополнети со црвени детали.
„Ана Стојаноска денес внесе вистинска доза енергија тука, во Малта⚡ А има и повеќе од доволно енергија за сабота!“ - пишува на социјалните мрежи на Junior Eurovision Song Contest.
Заразниот ритам и кореографијата инстантно ја подигнуваат атмосферата.
„Првата проба помина одличнооо 💃🥳 Тимот на Македонија гори! 🔥❤️🔥“ - напиша талентираната стружанка и објави видео од подготовките.
Јуниорскиот Евросонг 2026 ќе се одржи оваа сабота (24. октомври) во салата „Malta Fairs & Conventions Centre“ во Та' Кали, со почеток во 21 часот.
Еве како може да гласатe за нашата претставничка:
Со среќа Ана!
