Стилската еволуција на Анабел Флор будно ја следат стотици илјади вљубенички во модата на блогот VivaLuxury Style.
Преку естетски привлечни приказни, убавата Латвијка која живее во Калифорнија создаде место на неисцрпна модна инспирација. Моментално нејзиниот стил ротира околу бохо манијата, со акцент на женствени детали.
„Ја започнав мојата љубовна афера со модата работејќи со неверојатната холивудска дизајнерка Елиса Фераре. Таа ми велеше: Осмели се да сонуваш и сите желби ќе ти се остварат. Започнувањето на блог долго време беше мој сон“ – пишува Флор за своите почетоци и мотивацијата да влезе во блогерството.
Додека срамежливото пролетно сонце си поигрува „топло-ладно“ со нас, запловете низ најновите комбинации на Анабел, кои ги испреплетуваат најжешките актуелни трендови.
