Години наназад календарот на Pirelli се асоцираше со голотија и слаби млади модели во провокативни пози. Промената во концептот е очигледна во последните години.
Календарот за 2017 година прикажува славни актерки во природни изданија. За календарот „Emotional“, дами од секоја возраст позираа речиси без шминка и гламурозна фризура, а финалните фотографии не беа ретуширани.
„Влегов без шминка и со водена коса, а тој рече: Тоа е совршено“ – изјави Џулиен Мур за фотосесијата со Линдберг.
Реномираниот фотограф Петер Линдберг ги фотографираше ѕвездите на пет локации.
„Убавина која зборува за индивидуалноста, смелоста да бидеш себеси и твојата лична сензибилност. Тоа е мојата дефиниција за жената денес“ – вели германскиот фотограф и истакнува дека не сака да покаже издолжена и манипулирана верзија на жените каква што ни се сервира секојдневно во медиумите.
„Како артист, чувствувам дека имам одговорност да ги ослободам жените од идејата за вечна младост и совршенство. Невозможно е да се достигне идеалот кој општеството го има за совршенството“ – додава Линдберг.
Кејт Винслет, Пенелопе Круз, Ума Турман, Никол Кидман, Алисија Викандер, Џулиен Мур, Робин Рајт, Хелен Мирен, Руни Мара, Џесика Частеин, Лупита Нионго, Леа Сејду, Шарлота Рамплинг, Џанг Цији и руската професорка Анастасија Игнатова се лицата од календарот.
Фотографии од зад сцената:
