Двегодишно девојче со ампутирана рака за Божиќ доби маче со ампутиран екстремитет за да не се чувствува осамено. Семејството го посвоило мачето од засолниште за животни, а нивната ќеркичка веднаш се поврзала со него.
Малата Скарлет Типтон имала само 10 месеци кога ѝ била ампутирана левата рака поради редок вид на рак. Па, додека Скарлет го осознава светот, нејзиното семејство одлучило да ѝ покаже дека таа не е единствената со таков телесен недостаток.
На мајката на Скарлет, Симон, ѝ биле потребни 6 месеци за да пронајде маче кое поминало низ ампутација, но среќата ѝ се насмевнала непосредно пред Божиќ. „Сакавме мало маче со кое Скарлет ќе расте, па таа доби нешто што е исто како неа“ – рекла таа.
Мачето Холи ја изгубило предната десна нога како последица на сериозна повреда. „Скарлет беше многу возбудена, таа обожава мачки“ – рекла Симон. Малата Скарлет веднаш забележала дека мачето е исто како неа и на нејзин јазик ѝ го покажала тоа на мајка си.
„Таа сфаќа дека мачето води слична борба како неа“ – вели Симон.
