Зендаја знае како да остави впечаток на големите манифестации.
На овогодишното доделување на наградите SAG во Калифорнија, 26-годишната актерка зачекори со стил на црвениот тепих, облечена во розова креација со цветови. Фустанот со 190 ружи бил создаден специјално за неа од Пјерпаоло Пичоли, креативниот директор на Валентино. Својот изглед, ѕвездата од „Euphoria“ го надополни со накит од брендот Bulgari.
Подоцна, Зендаја набрзина се пресоблече во фустан од Армани. На сцената, таа и Пол Мескал ѝ ја доделија на Џесика Частејн наградата за Најдобра актерка во ТВ филм или минисерија.
