Прекрасна: Моника Црнокрак блесна на Мис на Европа 2026, доби титула и честитки од татко ѝ Мики

Моника Црнокрак имаше има нов успех на европската модна сцена.

Македонската убавица блесна на изборот за Мис на Европа 2026, кој викендов се одржа во Бејрут, Либан, освојувајќи ја титулата Петта придружничка.

Моника беше меѓу најуспешните девојки на изборот за убавина во конкуренција од 30 учеснички од цела Европа. Ова е нејзин втор значаен успех на истиот натпревар, откако во 2023 година ја освои титулата Мис фотогеничност.

Особено внимание привлече нејзиниот национален костим, изработен специјално за овој настан од македонската модна креаторка Наташа Карчева.

Во финалето, Моника блесна и во долг фустан во впечатлива сино-зелена нијанса.

По завршувањето на натпреварот нејзиниот горд татко Мики Црнокрак сподели заедничка фотографија за да ѝ честита за титулата.

Покрај Моника, Македонија имаше уште една успешна претставничка, 18-годишната Нела Јосифовска, која ја освои специјалната титула Miss Best Face, односно признанието за најубаво лице на Европа за 2026 година. 

Круната за Мис на Европа ѝ припадна на претставничката на Русија.