Празничната магија целосно го обви Келн. Градот блеска во светлината на илјадници сијалички, мириса на топло греано вино и штотуку печени колачиња, а божиќниот базар повторно ја оживеа зимската бајка.
Оваа година, базарот пред Келнската катедрала изгледа навистина нереално, како сцена извлечена од приказна. Повеќе од 150 штандови, поставени во дрвени куќарки украсени со сијалички и црвени машни, ја комбинираат магијата со традицијата за да приредат нешто уникатно. На секој агол се слушаат празнични мелодии кои ги исполнуваат улиците со посебна топлина.
Посетителите можат да уживаат во традиционалните германски специјалитети, рачно изработените украси и уникатните подароци, додека големата накитена новогодишна елка доминира во центарот на градот и создава совршена атмосфера за фотографии.
Бројните декорации, светлечките ѕвезди и „чаршиската“ вревa го прават секој миг во градот незаборавен.
