Позираше пред домот на Кери Бредшо, прошета по Бруклинскиот мост... Лила Филиповска на велигденско патување во САД

Лила Филиповска ги помина празничните денови далеку од дома.

Македонската водителка е на патување во САД, од каде споделува низа впечатливи моменти со своите следбеници.

„Американската турнеја“ на 54-годишната ТВ ѕвезда започна во Хобокен, родниот град на легендарниот Френк Синатра. Таа уживаше во мирната атмосфера покрај реката Хадсон и во прекрасниот поглед кон Њујорк, а го посети и паркот посветен на славниот пејач.

Филиповска прошета и по еден од најпознатите симболи на градот – Бруклинскиот мост. Изграден уште во 1883 година, мостот ги поврзува Менхетен и Бруклин и претставува вистинско инженерско чудо за своето време. 

„Секако дека го испешачив“ – напиша таа во објавата.

Посебно внимание привлече и нејзината посета на култна локација од серијата „Sex and the City“. Лила позираше пред познатите скали на домот на Кери Бредшо на адресата 66 Perry Street во населбата West Village.

Филиповска не пропушти да го посети местото од официјалниот плакат за култниот филм „Once Upon a Time in America“ на режисерот Серџо Леоне, со Роберт Де Ниро во главната улога.

Лила напиша дека во град како Њујорк „секој агол изгледа како сцена“ и порача: „Животот е убав“.