Посветен татко: Рики Мартин пристигна во Буенос Аирес со пораснатите синови, фановите заклучија дека многу личат на него

Дури и кога е на турнеја, семејството е на прво место за Рики Мартин.

Пред концертите во Буенос Аирес, 54-годишниот пејач беше фотографиран во аргентинската престолнина во друштво на синовите-близнаци, Валентино и Матео.

Тројцата беа фотографирани на аеродромот во лежерни модни комбинации. Фановите не пропуштија да забележат дека 17-годишните тинејџери сè повеќе личат на нивниот славен татко.

И покрај светската слава, Рики останува посветен родител. 

Тој честопати истакнува дека неговите деца се неговата најголема инспирација и двигател во кариерата. На доделувањето на наградата за Латино икона минатата година, тој јавно им се заблагодари, нагласувајќи дека сè што прави, го прави со нив во мислите.

Латино ѕвездата ги доби синовите со сурогат-мајка во 2008 година.

Покрај Валентино и Матео, пејачот има уште две деца, ќерката Лусија и синот Рен, кои ги доби во бракот со Џуан Јосеф. Иако тие се разделија во 2023 година, останаа во одлични односи и заедно се грижат за децата.