Холивудскиот фотограф Боб Вилоубај ја имал честа да ја овековечува убавината на неповторливата Одри Хепберн. Грациозноста, вонвременскиот шарм и беспрекорната елеганција на „дамата со стил“ се прикажани на фотографиите од новото издание на книгата „Bob Willoughby. Audrey Hepburn. Photographs“.
Збирката фотографии е од периодот 1953-1966 година, кога Одри го раздрма Холивуд. „Таа ми ја зеде раката како... принцеза и ме заслепи со таа насмевка која Бог ја дизајнирал да ги растопува срцата на мажите-смртници“ – изјавил покојниот Вилоубај за првата средба со Хепберн.
Фотографиите ни даваат можност да ѕирнеме во животот на Одри пред и зад камерите – од снимањето на „My Fair Lady“ до заедничките прошетки со еленчето Пипин.
