Познатиот актер Лесли Нилсен почина на 84-годишна возраст. Неговиот агент потврдил дека Лесли починал вчера како последица на компликации предизвикани од пневмонија.
Ѕвездата од филмовите „The Naked Gun“ и „Airplane!“ почина во болница опкружен од неговата сопруга Барбари, неговото семејство и пријателите.
Лесли Нилсен и Присила Присли во „Гол пиштол“
„Тој само заспа и почина. Беше навистина добар човек. Многу грижлив, природно духовит и во секојдневието, а не само затоа што некој напишал нешто на хартија за него. Тој беше еден од моите најдобри пријатели и го сакав многу. Ужасно ќе ми недостига“ – изјавил неговиот внук Даг.
Во својата 60-годишна кариера Нилсен успеа да биде дел од 100 филма и 1500 телевизиски емисии, а ќе остане запаметен како човекот кој секогаш ставаше насмевка на нашите лица со тоа што глумеше сериозност во апсурдни комични ситуации.