По 14 неуспешни инвитра, 47-годишна жена стана мајка на прекрасно девојче во болница „Плодност“
Бројот на успешни инвитро приказни во болницата „Плодност“ од Битола постојано се зголемува.
47-годишна жена стана мајка со помош на вонтелесно оплодување во „Плодност“ по 14 неуспешни ИВФ обиди во странство.
Од битолската болница споделија фотографија од новороденчето и видео од моментот на неговото доаѓање на овој свет:
На 47 год. по 14 неуспешни ИВФ обиди во странство и со последна надеж во „Плодност“, денес стана мајка на прекрасно девојче.
После долга и макотрпна борба со неплодност и точно 14 неуспешни ин витро обиди во Турција, Чешка и Белгија, оваа пациентка на 47 години дојде кај нас со последна надеж. Успешното ин витро кај нас денес ѝ го подари најголемото богатство, здраво женско новороденче.
Некои чуда се прават со знаење, истрајност и вера. Ова е едно од нив.
Здраво и живо да е, да расте со љубов и среќа.