Изборот на име за новото бебе е една од најслатките одлуки за родителите, а идеи за инспирација се секогаш добредојдени.
На Денот на мајката во САД, беа објавени официјалните податоци за најзастапените имиња за бебиња во 2025 година.
Според податоците на The Social Security Administration, Оливија и Лијам се неприкосновени владетели.
Иако врвот е ист, на листата на женски имиња има интересни промени. Елегантното име Шарлот конечно успеа да ја симне Ема од второто место, прекинувајќи ја нејзината доминација како „прва придружничка“. Исто така, се збогувавме со популарното име Ава кое испадна од топ 10 клубот, а на нејзино место блесна прекрасното име Елијана.
Кај момчињата, ситуацијата е далеку постабилна. Првите четири позиции остануваат „бетонирани“ – Лијам, Ноа, Оливер и Теодор очигледно се имиња кои модерните родители едноставно ги обожаваат.
Еве како изгледа целосната листа:
Кој е во подем, а кој ја губи популарноста? 📈📉
Кога станува збор за имиња кои најбрзо стануваат хит, има изненадувања. Кај момчињата вистинска ѕвезда е Касаи (Kasai), моќно име кое значи „оган“ на јапонски, а кое скокна за неверојатни 1.108 места на листата. Кај девојчињата, најголем скок (за дури 1.396 места) има името Кларити (Klarity) и тоа баш во оваа верзија со буквата „К“, како модерна варијација на англискиот збор за јасност (clarity).
Од друга страна, некои поранешни фаворити го губат својот сјај. Кај девојчињата, најголем пад бележат имињата Обри (Aubrie), Катлеја (Cattleya), како и Зендаја (Zendaya). Кај момчињата, сè помалку родители се одлучуваат за имињата Карим (Karim), Каза (Khaza), Каи (Khai) и Ланден (Landen).
Листата е составена врз база на податоци за околу 3,6 милиони бебиња.