Познатиот јутјубер Стефан Лазаров и неговата сопруга Марта пред нешто повеќе од еден месец ја споделија убавата вест дека за првпат ќе станат родители. Радоста најпрво ја задржаа за најблиските, а потоа ја пренесоа и до своите бројни следбеници.
Сега, брачната двојка реши да го открие и полот на бебето, организирајќи емотивен „gender reveal“ покрај Охридското Езеро. И двајцата со чаши извлекоа парчиња од торта чија внатрешност беше во сина боја, индикатор дека ќе добијат синче.
Лазаров, кој нескриено посакуваше машко дете, во налет на емоции облечен скокна во езерото.