Симпатичното видео од бебенце кое се смирува на песните на Bad Bunny стана вистински хит на социјалните мрежи и насмеа илјадници луѓе ширум светот.
10-месечниот Оли престанува да плаче и започнува со стил да танцува секојпат кога ќе го слушне популарниот Порториканец.
Претходно, Оли бил навикнат да слуша српски детски песнички, бидејќи татко му е Србин, но откако тие престанале да „делуваат“, родителите Пати и Марко Милошевиќ решиле да пробаат нешто сосема поинакво.
Бидејќи со години ја слушале музиката на Bad Bunny, пуштиле една од неговите песни и на нивно огромно изненадување, Оли веднаш престанал да плаче.
На видеото јасно се гледа како, само неколку секунди по почетокот на песната, малото момче се смирува, ја крева раката и почнува да се ниша во ритамот, а кога музиката станува поенергична, веќе весело танцува.
Мајката открива дека истата реакција се повторува секојпат кога ќе му пуштат песни од Bad Bunny, па дури направиле и специјална плејлиста со неговите омилени хитови.
