„Од Аеродром со љубов“: Тони Зен со емотивна урбана химна за неговото маало
Тони Зен го претстави најновиот музички и визуелен проект насловен „Од Аеродром со љубов“. Новата химна за познатата скопска населба Аеродром ќе го освои секој кој растел на скопскиот асфалт.
Познатиот рапер порача:
"Од Аеродром со љубов" е новата химна 📢
Поздрав од моето маало до сите маала низ Македонија 🇲🇰❤️🫡
Благодарност до сите вие кои ме поддржавте и придонесовте за ова да се реализира, ова е за Аеродром, ова е за Марјан Михајловски, ова е за сите мои другари од Аеродром, кои ги почитувам од првите школски денови, до ден-денес
Текстот е авторско дело на Тони додека зад музиката стои Иван Костадинов, познат како Smoke Panda. Визуелизацијата му беше доверена на режисерот Владислав Гавриловски, кој низ објективот мајсторски го долови духот на сплотеноста во едно маало.
Славниот хип-хоп изведувач му го посвети спотот на Марјан Михајловски-Мац, најпрепознатливиот навивач на МЗТ Скопје, кој почина пред две години.