Обожавателка го изненади Јаков Јозиновиќ со рачнo нацртани патики, тој веднаш ги облече за концерт
Изминатиот викенд ќе остане запаметен како еден од најважните моменти во кариерата на младиот пејач Јаков Јозиновиќ. 20-годишниот музичар, кој го освои регионот со својот талент и харизма, одржа два спектакуларни концерти во преполната Арена Загреб.
Покрај громогласниот аплауз и поддршката од илјадници обожаватели кои пееја со него во еден глас, Јаков доби и бројни подароци. Уметницата Ива Ивиќ му поклони уникатен пар рачно насликани патики и инстантно го одушеви.
„Јаков, се надевам дека овие патики ќе ти останат како спомен од првата од многуте Арени Загреб“ – напиша таа на објавата од видеото во кое се гледа процесот на изработка на патиките.
На едната патика се прикажани мотиви инспирирани од албумот „Ja za čuda letim“, додека другата ја доловува атмосферата од неговиот голем концерт во преполната арена, но содржат и детали од сите песни на албумот, за кои талентираната девојка вели дека ги слушала додека ги цртала.
Реакцијата на Јаков беше искрена и полна со воодушевување. Штом ги виде патиките, веднаш почна да им ги покажува на луѓето околу себе, не криејќи колку е импресиониран од трудот и креативноста вложени во подарокот.
„Дали си ти нормална? Ти го нацрта ова? Не е ChatGPT? Се шегувам. Ти благодарам...ПРЕ-ДОБРО... Не знам што да кажам. Што да ти подарам јас тебе после ова? Карти за утре... немам ништо“ – низ смеа ѝ рече пејачот и ја прегрна.
Но, најголемото благодарам пристигна наредниот ден кога Јаков ги облече патиките како дел од неговиот стајлинг за втората концертна вечер, а пресреќната Ива на Инстаграм ја сподели целосната приказна за овој уникатен подарок.
„Уште од првиот месец зборував дека ќе ги нацртам овие патики, толку многу што веќе почнав да им одам на нерви на пријателите. 😂
Иако не знаев како ќе го изведам тоа, си реков дека тој ќе ги добие патиките за својата прва Арена Загреб, за да му останат како спомен. Потоа, работите полека почнаа да се редат за таа желба да се оствари.
Не долго потоа, го сретнав Јаков во теретаната во која одам и му пристапив со зборовите: 'Јас не сакам фотографија, но би сакала да ти нацртам патики.'
Секако, во тој момент не го прашав кој број обувки носи и како ќе го реализирам сето тоа, па морав да се снаоѓам на други начини. Испрашував луѓе, праќав пораки и на крајот дознав кој број носи, а потоа остана само прашањето како да му ги предадам.
Но, на крајот коцките се сложија и сосема неочекувано, запознав луѓе кои ми помогнаа да го остварам ова.
Кога ја видов неговата реакција, но и реакцијата на луѓето околу него, си реков: 'Тоа е тоа, успеав во мојата намера', и среќна си заминав дома.
А потоа – ШОК! Моите патики станаа дел од неговиот стајлинг на вториот концерт. Не можев да поверувам. Среќата беше огромна и можам само да кажам дека тоа е најубавото и најголемото 'благодарам' што можев да го добијам, како и доказ дека упорноста и трудот навистина се исплатат. ❤️“
