„Никој не те гледа, живеј по сопствено сценарио“: Моќно видео за очекувањата наметнати на жените
Училиште, диплома, работа, брак, мајчинство... Дали животот на жената треба да се движи по однапред напишано сценарио?
Актерката и авторка на кратки филмови Ноур Сераж на впечатлив начин ги претстави во видео општествените очекувања со кои жените се соочуваат уште од најрана возраст.
Во краткиот филм, таа се појавува на сцена, видливо збунета и како неволно да е ставена во центарот на претставата. Наскоро околу неа започнуваат да се движат танчерки кои буквално ја водат низ различните фази од „очекуваниот“ живот.
На крајот, движењето запира. Ноур останува сама на сцената и го насочува погледот кон празните седишта во салата.
„Животот минува брзо, а само вие го живеете. Заземете го своето место. Живејте го на свој начин, а не според туѓо сценарио или според очекувањата на општеството“ – гласи пораката.
Кратко и визуелно моќно потсетување дека животот не е претстава во која треба навреме да ја одиграме секоја улога која другите ја замислиле за нас.