„Небото доби уште една мала ѕвезда“: Илјадници навивачи му дадоа поддршка на фудбалер кој ја загуби новородената ќерка

Матс Сеунтјенс и Елба Силва доживеаја незамислива трагедија. 34-годишниот холандски фудбалер и неговата сакана ја изгубија нивната новородена ќерка Селин, а по само неколку дена од немилиот настан, тој се врати на теренот.

Матс настапи за својот тим НАЦ Бреда на натпреварот против ВВВ Венло, но по завршувањето на натпреварот, фудбалот падна во втор план.

Илјадници навивачи останаа на трибините на стадионот „Рат Верлех“ за да му дадат поддршка на Сеунтјенс во најтешкиот период од неговиот живот.

Светлата беа пригушени, на трибините беа запалени прскалки, а навивачите развија транспаренти и му испратија порака на Сеунтјенс и неговата партнерка:

„Небото доби уште една мала ѕвезда“ – стои на транспарентите.

Емоциите го совладаа Матс, кој не можеше да ги сокрие солзите. Неговите соиграчи го прегрнаа и застанаа покрај него, а поддршката стигна и од противничкиот тим.

Тој се прегрнуваше со саканата на теренот, впивајќи ја сета љубов која им беше дадена.

Zoveel meer dan voetbal.. 💛🖤#NACpraat pic.twitter.com/2IaY10Bg4Q

— NAC Breda 💛🖤 (@NACnl) August 14, 2026

Kippenvel 🥺💛 pic.twitter.com/D6paRA8T9j

— ESPN NL (@ESPNnl) August 14, 2026