Кога роденденските желби се остваруваат...
Македонка го доби најубавиот подарок за својот 29-ти роденден. Среќната Ивана токму на овој специјален ден на свет ја донесе својата ќеркичка.
Емотивниот момент се случи во болницата „Плодност“ во Битола, под грижливото водство на Д-р Кристинка Пајаковска и нејзиниот тим. Фотографиите се објавени на социјалните мрежи на болницата.
НАЈУБАВИОТ ПОДАРОК ЗА НЕЈЗИНИОТ 29-ТИ РОДЕНДЕН!
Вчера, точно во 08:55 часот, Ивана го доби највредниот подарок, здраво женско бебе, со тежина од 3220g и должина од 49cm, токму на денот кога пациентката наполни 29 години.
Породувањето го водеше Д-р Кристинка Пајаковска, во координација со тимот од анестезиолошка служба и интензивна нега:
• Д-р Мимоза Гелевска – анестезиолог
• Д-р Коста Замановски – анестезиолог специјализант
• Билјана Поповска Марковска – медицинска сестра
• Андријана Лозановски – медицинска сестра
• Ирена Стојановска – медицинска сестра
• Силвана Јовановска – болничарка
По успешно завршеното породување, тимот ѝ упати роденденска честитка на мајката, симболичен гест кој го обележа овој посебен ден.
Среќен роденден Ивана.
Ви посакуваме добро здравје и многу среќни моменти заедно.
Нема ништо повозбудливо и поволшебно од тоа два животи да се слават на ист ден. За Ивана, овој 29-ти роденден ќе остане најзначајниот во нејзиниот живот.