Најпопуларните видеа на YouTube: „Gangnam Style“ веќе не е на врвот, „Despacito“ засега на петто место

„Gangnam Style“ симнат од престолот. Виралниот хит на Псај веќе не е најпопуларното видео на YouTube.

Со 2,9 милијарди прегледувања, „See You Again“ од саундракот на „Furious 7“ застана на првото место. Емотивната балада за последниот филм со Пол Вокер има рекордна гледаност.

Сепак, големи се шансите наскоро да видиме нов „владетел“. Иако е објавен годинава, мега хитот „Despacito“ досега има 2,5 милијарди прегледувања. Ако се задржи популарноста на забавната песна на Луис Фонси и Деди Јенки, тронот ќе биде резервиран за „Despacito“.