Моника Белучи и Леа Сејду со класична елеганција мамеа погледи на црвениот тепих на BAFTA 2015.
Новите „Бонд девојки“, кои пред два месеца ги добија главните женски улоги во новиот филм за Џејмс Бонд „Spectre“, имаа задача за време на манифестацијата да им ја доделат наградата на победниците во категоријата Најдобра шминка и фризура.
50-годишната Белучи за свечениот настан избра црн фустан со долги ракави од Азедин Алаја. Модниот избор на италијанската дива беше изненадување, бидејќи таа речиси секогаш е облечена во креации од нејзините пријатели Долче и Габана.
29-годишната Сејду носеше жолта креација од Прада со отсечоци на половината.
Елегантното дуо призна дека не смее да открива детали за снимањето на филмот „Spectre“, чија премиера е закажана за 6 ноември 2015 година. Режисер на филмот е Сем Мендез, додека главната машка улога му припаѓа на Даниел Крег.
