Лили Колинс неодамна беше назначена за заштитно лице на колекцијата накит Clash [Un]limited на Cartier. Па, воопшто не беше изненадување што токму таа беше ѕвезда на забавата по повод лансирањето на колекцијата.
Актерката од „Emily in Paris“ со впечатлив стајлинг привлекуваше погледи на настанот во Лос Анџелес. Црно-белата креација на 32-годишната убавица доаѓа од модната куќа Ronald van der Kemp.
Забавата го одбележа и стартот на изложбата за новата колекција, која ќе биде отворена за јавноста до 1 септември. Искуството на посетителите ќе биде збогатено со оригинални звуци од славниот музичар Финеас, кој исто така беше специјален гостин на забавата.
