Зухаир Мурад ја замени традиционалната ревија со презентација за да ги обелодени креациите од колекцијата пролет/лето 2017.
„Ако секогаш се повторувам, нема предизвик. Мотивирачки е да направиш нешто необично“ – изјавил Мурад.
Според популарниот либански дизајнер, нè очекува гламурозна сезона, во која ќе доминираат женствени фустани, комбинезони и костуми со ефекти детали. Со помош на метални колани и пеплум, тој ја истакна женската фигура, а преку волуменозните раменици, покажа дека се инспирираше од стилот од 80-тите години, како што беше случај со многу други дизајнери во изминативе месец дена.
Моделите Девон Виндзор и Дијана Молдован беа среќничките кои први ги облекоа креациите за модната презентација.
