Мис Тајланд е новата Мис на светот.
Опал Сучата Чангсри победи на 72-рото издание на популарниот избор за убавина и беше крунисана на манифестацијата која оваа година се одржа во Телангана, Индија.
22-годишната девојка се натпреваруваше со 108 учеснички и успеа да ја освои посакуваната титула. Ова е првпат во историјата претставничка на Тајланд да стане Мис на светот.
Убавата мисица ја прими круната од минатогодишната победничка Кристина Пишкова.
„Овој момент не е само лична победа, туку е заеднички сон на секоја млада девојка која сака да биде видена, слушната и желна да создаде промена. Чест ми е и ќе го користам моето време како Мис на светот за да направам вистинска разлика“ – изјавила Сучата.
Македонската претставничка Чарна Невзати не влезе во финалните кругови на изборот за убавина. На сцената, таа дефилираше во ефектен фустан во црна и розова боја.
