„Марта, ти благодарам за најубавиот подарок “: Стефан Лазаров и Марта станаа родители и споделија прва фотографија од бебето
Стефан Лазаров и неговата сопруга Марта станаа родители. На свет пристигна нивниот син Лука, а среќната вест ја сподели новиот татко на социјалните мрежи.
Со емотивна порака и фотографија од малото ноџе на новороденчето, Стефан откри дека нивното семејство од денес брои три члена.
„Денес добивме син.. Марта ти благодарам за најубавиот подарок што може еден маж да го добие❤️🥹
Добредојде Лука Лазаров👶🍼“ – напиша тој.
Само кратко пред породувањето, Марта во интервју за Фемина зборуваше за исчекувањето на нивното прво дете и за емоциите со кои влегува во новото животно поглавје:
„Мајчинството за мене е нешто што сѐ уште не можам целосно да го замислам додека не го почувствувам. Мислам дека е една од најголемите промени во животот, но истовремено и една од најубавите. Едвај чекам да го запознаам Лука и да се запознаам себеси во таа нова улога со сите убави моменти, предизвици и лекции што ги носи.“
Марта сподели и дека имала лесна бременост, која ѝ овозможила речиси непречено да продолжи со вообичаеното секојдневие:
„Бременоста ми помина искрено многу лесно, на моменти дури се прашував дали сум бремена🙂. Во глобала ништо не се промени, си функционирав најнормално како и претходно, единствено нешто што знае да ми направи тешко се киселините кои од неодамна ми се појавија, но ништо страшно.“
Уште тогаш парот го имаше откриено името на синчето, а Марта со насмевка ни раскажа и како дошле до изборот Лука. Нејзината првична желба била нивниот син да се вика Леон, но Стефан имал поинаква идеја:
„Моја огромна желба беше да се вика Леон, но Стефан од друга страна не сакаше воопшто, зошто ќе го зезале „Сеат Леон“ или „Леонче мамичка“… Па како најблиску до Леон ни беше Лука и така се договоривме.“
Марта ни откри и каков човек посакува да израсне нивниот син и кои вредности сака да му ги всадат уште од најмала возраст:
„Сакаме да гледа љубов пред себе, разбирање и поддршка... Сакаме да израсне во човек кој ќе знае да сака, цени и помага. Семејните вредности пред сѐ...“
Македонскиот водител и јутјубер и неговата избраничка стапија во брак во 2023 година.