Марта Лазарова го покажа стомачето пред да влезе во 9-тиот месец од бременоста, Стефан ја пофали дека прави сè
Стефан и Марта Лазарови наскоро ќе станат родители.
Додека со нетрпение го очекуваат доаѓањето на овој свет на нивното прво детенце, македонскиот пар се подготвува и да се всели во новиот стан.
На социјалните мрежи, популарниот водител и неговата избраничка споделија фотографија од нејзиното трудничко стомаче една седмица пред да влезе во деветтиот месец од бременоста.
На фотографијата, Марта е облечена во црно и го гали пораснатото стомаче.
Потоа, Стефан објави и видео во кое ја фали Марта дека прави сè, иако веќе се ближи кон терминот за породување.
„Сите да ѝ пишете на Марта аплауз. Значи влегува во деветти месец, готви, чисти, се шета, работи, функционира. Е за тоа да ѝ пишете. Значи сè прави најнормално. И нè пресели деновиве, во процес сме, ама додека јас снимам и работам, и тоа го прави. Абе алал да ти е сестро. Секоја чест. Браво за Марта“ – вели Стефан во видеото.
Во интервју за Фемина, Марта зборуваше за бременоста и за мајчинството.
„Мајчинството за мене е нешто што сѐ уште не можам целосно да го замислам додека не го почувствувам. Мислам дека е една од најголемите промени во животот, но истовремено и една од најубавите. Едвај чекам да го запознаам Лука и да се запознаам себеси во таа нова улога со сите убави моменти, предизвици и лекции што ги носи.“
„Гледајќи го Стефан уште отсега колку е грижлив, возбуден и среќен, знам дека ќе биде најдобар татко на нашето дете. Сигурна сум дека едвај чека и да менува пелени, да го бања, заспива, да си игра со него и да дава сѐ од себе. Сигурна сум дека ќе биде посветен и грижлив татко“ - ни изјави Марта.